Lífið og tilveran í Blogglandi

Hvað er í gangi???

Fri, 01 Apr 2011 13:58:57 GMT

Gabbedí Gabb..:haha:

Flugriða!!

Fri, 05 Jun 2009 19:02:22 GMT
Ég hefði aldrei trúað því að það væri hægt að fá flugriðu... en það er hægt!! Enda kannski ekki skrýtið eftir 12 tíma flug!!! Þetta var nú ekki það skemmilegasta sem ég gert, en endastaðurinn var nátturulega frábær!! Ég lenti um 17 LA tíma og var frekar þreytt og skrýtin fram eftir kvöldi. Við fórum á cheesecake factory og borðuðum æðislegan mat! Ég fór svo að sofa á miðnætti, búin að vera á fótum í yfir sólarhring!! Ég svaf svo bara til 04 enda ennþá að venjast tímanum, en ég sofnaði sem betur fer aftur. Nú er hádegi og ég bara í afslöppun yfir sjónbarpinu! Langþráð tilfinning, að sitja og þurfa ekki að gera neitt! Engin ritgerð!! Við skiluðum verkefninu 25. maí og ég verð að viðurkenna að því fylgdi ákveðinn tómleiki, margra mánaða vinnu lokið. AHHHH :haha:
Síðasta vika var stórmerkileg fyrir litlu stelpuna okkar. Hún hætti á leikskólanum og er byrjuð í SFO!! Hún stækkaði helling við þessa breytingu. Á föstudaginn var kveðjuhóf á leikskólanum þar sem foreldrar komu og borðuðu með börnunum og leikskólakennurunum. Krakkarnir fengu þá tösku sem þau taka með sér í skólann.   Þetta var skemmtileg stund en jafnframt skrýtin og mamman var með "köttinn" í hálsinum þegar hún kvaddi alla. Svo var fyrsti dagurinn í SFO á þriðjudaginn. Andrea er rosalega sátt við að bera byrjuð og er ánægð með allt og alla og er ekki feiminn við að láta alla vita að hún sé byrjuð í skóla!! Ari byrjar svo í leikskólanum í ágúst, þangað til verðum við í fríi og höfum það notalegt!
Jæja læt þetta duga í bili....
Kveðja frá sunny california.... þar sem rignir

Ritgerðarsmíð og ýmislegt fleira

Mon, 11 May 2009 18:18:09 GMT
Ég sit núna alla daga á kafi í ritgerðinni minni sem á að skila þann 27. maí. Fór upp í skóla í morgun kl 09 og kom heim kl 19!!! Alveg steikt og úti á túni. Það tekur á að nota heilann í svona marga tíma í einu, allt á suðupunkti. En okkur miðar áfram, sem er gott!. Vonadi er leiðbeinandi okkar sammála því sem við höfum gert hingað til...... við ætlum að senda það sem við erum búnar með á föstudag og fáum svo bakveiti (feedback) á þá vinnu í næstu viku. Krossa fingur allir saman, þá höfum við aðeins viku til að koma öllu í toppstand!!!!

En mér varð annars hugsað til þess í dag að við erum búin að búa hérna í næstum 3 ár!!!

Ari Sævar er hress. Svaf í 12 tíma, án truflana, í nótt! (það var annað með mömmuna)!! Ég var frekar rugluð þegar Júlli vakti mig að verða 8 í morgun......bíddu er hann bara ennþá sofandi??? Og hann svaf bara áfram þó við hin værum komin á ról. Svo er prinsinn kominn með sína fyrstu tönn, já hún fannst þann 09.05.09 :) Hún er staðsett í neðri góm, vinstra megin (svo getið þið ímyndað ykkur hvernig hún lítur út) Hann borðar svo mikið barnið að það er næstum eins og að vera með 4 fullorðna í mat. Í kvöld fékk hann til dæmis hakk og spaghetti í forrétt og rúgbrauð með fiski og kartöflum í eftirrétt. Ég hafði varla undan að moka upp í barnið og ég stóð upp svöng :d. Vonandi sefur hann þá í 12 tíma í nótt elsku drengurinn :) Mamman er voða þreytt.

Andrea er orðin alveg tilbúin að byrja í SFO. Er ekkert rosalega glöð að fara á leikskólann á morgnana, en það þó í lagi meðan hún er þar..... allavega kvartar hún ekki undan því. Nú er skólahópurinn ekki lengur í gangi og sundið er búið líka. Hún þarf greinilega að hafa meira að gera en "bara" að leika. Það þurfa að vera einhver verkefni og eitthvað fyrir stafni. En það erun aðeins 12 dagar eftir á leikskólanum, svo er það bara rútan í skólann. Ég er frekar stressuð út af þessu öllu og kem til með að fara með henni fyrstu 2 dagana..... 3 daginn er ég nefnilega á leið til Ameríku, nánar til tekið LA,sunny California!!! Eins konar útskriftarferðalag :p Eins gott ég nái svo :lol:

Jæja er ekki best að ganga frá eftir matinn áður en ég verð of löt til að gera það!!!
Kveðja B

Apríl 2009

Tue, 28 Apr 2009 09:21:29 GMT
Þetta blogg er nú alveg að detta upp fyrir, en ég ætla nú að reyna að halda aðeins áfram. Það gefst bara ekki mikill tími til að setjast niður og skrifa eitthvað.

Staðan á okkur er fín. Allir hressir og nóg að gera! Ég rembist eins og rjúpan við staurinn með BA verkefnið mitt en það gengur svona hægt, en gengur þó :) Júlíus vinnur alla daga fyrir okkur fjölskylduna. Andrea dugleg á leikskólanum sem er nú alveg að klárast hjá henni skólastelpunni og Ari Sævar er að þroskast með hverjum deginum. Hann er að æfa sig í að sitja og svo borðar hann alveg rosalega vel.

Apríl hefur verið mjög skemmtilegur. Páskarnir voru alveg yndislegir í góðu veðri. Júlli og Andrea Ósk eyddu nokkrum dögum í garðinum hjá okkur og gerðu hann rosalega fínan. Andrea og vinkonur hennar settu niður gulrætur og hjálpuðu Júlla alveg helling.
Vikuna eftir páska komu svo Ágústa og Kolbrún og gistu hjá okkur í viku. Í sama flugi komu Harpa og Árelía en þær voru hjá Írisi ásamt fullt af fólki :) Jakob var að fermast þann 19. apríl og af því tilefni kom fjölskyldan frá 'Islandi til að fagna þessu með honum. Við gerðum fullt af skemmtilegum hlutum saman frænkurnar. Við fórum til Malmö, undirbjuggum fermingarveislu og stelpurnar létu ræna sig á strikinu!! Já þeim fannst nú heldur dýrt hérna í dk, og skil ég það vel. En Svíþjóð var aðeins betri við þær kaupglöðu konur sem mættu þar með stóra litríka poka sem þær fylltu af ýmsu sem nauðsynlegt var að kaupa! En aðal málið er að við skemmtum okkur konunglega saman. Júlli var nú mest heima með börnin, við mættumst bara í "dyrinni", hann að koma heim úr vinnu og ég á leið út með stelpunum :) Daginn eftir að þær fóru heim kom mamma mín og var hjá okkur í einn dag og fór svo niður í bæ til að hitta saumaklúbbinn sinn og vera með þeim í viku. Hún kemur svo til okkar aftur og verður í 2 nætur, Andreu til mikillar ánægju.

Framundan hjá okkur er bara meiri vinna og ritgerðarvinna. Það kemst ekkert annað að í augnablikinu! Mikið verður gott þegar þessu er lokið og ég get farið að njóta þess að vera með börnunum mínum án þess að vera með samviskubit yfir því að vera ekki að skrifa!!! Skil eru 27. mai, akkúrat mánuður eftir :)

Ég setti myndir inn á Barnalandssíðu barnanna í gær, endilega kíkið við þar.

Kær kveðja
Berglind

Stolt stelpa :)

Sat, 21 Mar 2009 11:52:33 GMT
Andrea Ósk lærði að hjóla á miðvikudaginn, og nú hjólar hún um allt eins og ekkert sé!!. Hún hjólaði um allt og hélt að pabbi hennar væri að halda í hana, sem hann gerði ekki. Svo þegar hún kom heim þá sagði Júlli henni að hann hefði ekkert haldið i hana og hún sagði: "kann ég að hjóla?" :haha: Hún var svo stolt litla stýrið og hefur hjólað um allt síðan.

Annars hefur nóg verið að gera hjá okkur. Ég er að byrja á BA ritgerðinni minn, og það gengur svona upp og niður eiginlega. Þær heilasellur sem eru þarna uppi eru ekkert rosalega virkar þessa dagana. Þetta hlýtur að koma hjá mér, þarf bara að skrifa fyrstu setninguna og svo þá næstu, hætta að einblína á að það eigi eftir að skrifa 45 bls!!!!!. Þá get ég bara gleymt því að byrja á þessu. Við erum 2 sem skrifum saman og peppum hvor aðra upp í að komast í gang.

Júlli fór í hjartaþræðingu nr 2 föstudaginn 13. mars. Það voru sett 2 net í æðina sem var ennþá stífluð og farin að kalka á einum stað. Hann er því vel nettengdur :) Hann hefur það mjög gott og finnur enga verki, sem er frábært. Hann var komin með alveg nóg af þessum verkjum sem eru búnir að vera að hrjá hann í yfir ár núna. Vonandi er þetta búið, loksins. Það er ekkert grín að vera stöðugt með verki fyrir brjóstinu!! Hann tók því rólega í síðustu viku en byrjar svo aftur að vinna í hjemmeplejen á mánudag.

Ari Sævar stækkar og stækkar. Byrjaður að borða á fullu og finnst það ekki leiðinlegt. Hann er ennþá að reyna að velta sér en er ekki alveg kominn upp á lagið ennþá. Það vantar bara herslumuninn. Hann er að verða 6 mánaða á mánudaginn en er ekkert farinn að reyna að sitja ennþá. Hann er svoddan bunki litli prinsinn :) Finnst best að liggja bara og rúlla sér á sitthvora hliðina.   Nú er Hafrún amma að gefa honum að borða og hann iðar í stólnum af spenningi, hjalar og hlær. Hafrún er búin að vera hjá okkur síðan Júlli fór í aðgerðina og fer heim á morgun.

Ég setti myndir inn á Barnalandssíðuna hjá Andreu Ósk og Ara Sævari 18. mars. Endilega kíkið við :)

Þetta var það helsta í bili, lofa að vera duglegri að blogga svo að ekki sé komið að tómum kofanum á hverjum degi :)

Knús í bæinn
B

Febrúar

Sat, 21 Feb 2009 10:40:04 GMT
...er bara alveg að verða búinn!! Ari Sævar er að verða 5 mánaða eftir 2 daga og allt að gerast bara. Hann velti sér af maga yfir á bak 18. feb., og það vantar bara herslumuninn á að hann velti sér af baki yfir á maga. Það þarf bara smá að ýta við honum. En hann gerir þetta bara þegar hann er bleyjulaus, hann fær þessa líka svaka frelsistilfinningu að hann fer strax yfir á hægri hliðina. Ég var að athuga hvort hann myndi velta sér á vinstri hliðina með því að setja alveg ótrúlega spennandi dót þeim megin. Hann iðaði allur á gólfinu og velti sér svo yfir á hægri hlið, varð svo alveg steinhissa á því að dótið væri horfið!!! Hann fór því aftur yfir á bakið og sá dótið, varð svaka spenntur og velti sér af svaka krafti....en aftur á hægri hlið og skildi ekkert í þvi að dótið væri farið aftur!!! Þetta dundaði hann sér svo við í nokkrar mínútur :)

Andrea Ósk var hjá talmeinafræðingi til að meta hvernig danskan hennar er áður en hún byrjar í skóla. Hún stóð sig eins og hetja og þarf engan stuðning þegar hún byrjar í skólanum. Hana vantar kannski smá orðaforða en það kemur og við þurfum engar áhyggjur að hafa. Hún stendur sig rosalega vel prinsessan okkar. Í gær var fastelavn (ösku-bolludagur) á leikskólanum og Andrea fór sem senjoríta. Hún var máluð og fékk meira að segja maskara og var líka svona lukkuleg með það. Ég held hún óski sér að það sé fastelavn á hverjum degi!! :haha:

Við erum flutt yfir í KK242. Sváfum fyrstu nóttina í nótt. Það er nú hálftómlegt hjá okkur ennþá. KK60 er hins vegar full af drasli sem eftir á að flytja yfir. Ég er eiginlega ekki að nenna því, þetta er ekki það skemmtilegasta sem ég geri!! En þetta kemur hjá okkur hægt og bítandi. Það er rosalega gaman að horfa hérna út um gluggann í fína garðinn minn og hlusta á suð þvottavélarinnar. Lúxus bara hahaha :p En vegna flutningana þá erum við komin með nýtt símanúmer: 0045 44881555. og í þessu hringir síminn.

Biðjum að heilsa í bæinn.....

"Afmæli" og flutningar

Fri, 23 Jan 2009 15:24:25 GMT
Ari Sævar er 4ra mánaða í dag. Bæði stutt og langt síðan hann fæddist finnst mér. Ég er nú fegin að það er komið svo langt því fyrst til að byrja með var lífið ekkert sérlega skemmtilegt, með miklum verkjum og öllu því sem því fylgir. Nú er allt uppá við :) Það kemur mér alltaf jafn mikið á óvart hversu hratt tíminn líður. Áður en ég veit af þá verðum við flutt til Íslands aftur bara!!! En ég ætla nú að muna að njóta lífsins og ekki bara láta það framhjá mér fara :)

Við erum svo að fara að flytja í raðhús!! :haha: Við fáum afhent þann 1. mars nk. Það er alveg geggjuð tímasetning, fáum allt vorið og sumarið í garðinum. Vinir okkar, Birna og Höddi, eru að fara að flytja til Íslands og verður þeirra sárt saknað. Við höfum verið að grínast með það í svolítinn tíma að það væri nú alveg fyndið ef við fengjum þeirra hús. Viti menn, svo fáum við bara þeirra hús ;). Við erum farin að hlakka mikið til að flytja og þegar búin að innrétta húsið :p

Þarf að sinna stóra stráknum mínum.
Mótmælið friðsamlega!!!

Jæja þá í þetta sinn

Wed, 21 Jan 2009 16:29:11 GMT
...... sagði kallinn þá.

Fussum svei hvað það er langt síðan síðast. Janúar hefur nú verið frekar rólegur bara.

Það er stendur hæst er að Andrea Ósk var skráð í skóla!!!! Hvað er það? Ég vissi ekki að svona ung börn ættu að fara í skóla, hún fæddist bara í fyrradag svona cirka!!! Hún er svakalega spennt. Byrjar í SFO 1. júní, það er svona skólasel. En hún hættir semsagt á leikskólanum 31. maí. Ég er bara orðin frekar kvíðin fyrir þessari breytingu verð ég að viðurkenna. Hún er samt svo tilbúin í þetta stelpukindin með gervineglurnar. Talandi um gervineglur, þá gat hún ekki farið í sund í dag vegna þess að þá gætu neglurnar dottið af!!!!!! Iss já auðvitað, það er svo eðlilegt að pæla í því þegar maður er 5 ÁRA!!!! Hún fór því ekki í sundið stelpan. UHU og þetta á bara eftir að versna skal ég segja ykkur. Hún á eftir að verða 12 og 13 ára sko! Ef hún er eitthvað lík móður sinni þá verður unglingaveikin líkari unglingapest :p.

Ari stækkar og dafnar vel, orðin rúmlega 7 kg og 67 cm. Hann er orðin bara nokkuð duglegur að sofa þessi elska, næstum hættur að pína móður sína með nætuvökum. Við skulum nú samt ekki vera of fljót á okkur, þetta gæti allt breyst í kvöld. Krossa fingur alle sammen :)

Svo fer ég bráðum að byrja á ritgerðinni minni. Er nú samt frekar löt og ekki alveg að nenna að byrja á þessu. En ég er nú með feita gulrót sem heldur mér á mottunni. Ætla til LA þegar þessu er lokið öllu saman :haha:. Ekki leiðinlegt það.

Átakið sem ég er búin að vera í núna í 3 vikur heitir "gúffaðu í þig svínið þitt" og er undanfari alvöru átaks sem við kærustuparið byrjum á í næstu viku. Mamma kemur til okkar eftir rúmlega 12 vikur og þá verðum við svo brún og grönn að hún á ekki eftir að þekkja okkur haha:haha: En hvað er það samt með mig og átök?? Þegar ég ákveð að fara í eitt stykki svoleiðis gúffa ég svoleiðis í mig að það er engu lagi líkt!! Það er eins og ég haldi að ég sé að borða nammi í síðasta skipti í lífinu bara. Gúff gúff alla daga :klikk:

Nú ætla ég að gúffa í mig, það eru bara 4 dagar til stefnu, verð að nýta tímann vel :lol:

Nú árið er liðið....

Thu, 01 Jan 2009 10:40:24 GMT
... í aldanna skaut og aldrei það kemur tilbaka og þá er kominn tími til að líta yfir farinn veg. Það er skrýtið að hugsa að enn eitt árið sé að renna sitt skeið. Tíminn er svo fljótur að líða. Mér finnst eins og Andrea hafi fæðst í gær, en samt er hún orðin 5 ára pæja með gloss og augnskugga :) og við Júlli erum búin að vera saman í 8 ár!!
Nákvæmlega fyrir ári síðan komumst við að því að litla fjölskyldan okkar væri að stækka.   Fyrstu vikum ársins eyddi ég því mest á hliðinni upp í sófa vegna mikillar ógleði. Ég komst þó yfir það og stækkaði kúlan út í hið óendanlega!! Sumarið var mjög heitt fyrir óléttar konur, og því skruppum við aðeins til Íslands í júnímánuði. Þann 23. september, rúmlega 2 vikum eftir settan dag, fæddist litli prinsinn okkar, hann Ari Sævar. Við vorum svo heppin af hafa mömmu mína og pabba hjá okkur því við Ari þurftum að liggja á sjúkrahúsinu í næstum 2 vikur eftir fæðingu. Andrea var því í góðum höndum og hafði það gott heima á meðan.  Hún stendur sig eins og hetja sem stóra systir og er ákaflega ánægð með litla bróðir. Það er þó stundum erfitt að deila mömmu sinni sem hún er búin að eiga alein í svo langan tíma.  Andrea er ánægð á leikskólanum enda er hún orðin skólabarn, er semsagt komin í skólahóp þar sem hún byrjar í skóla í haust ( nýfædd sko!!!!) Ari Sævar dafnar vel en mætti vera aðeins duglegri að sofa á næturnar.  Júlíus fékk vinnu hjá Carlsberg og var að vinna þar þangað til Ari fæddist en er byrjaður að vinna í heimahjúkrun núna og líkar vel. Ég var að vinna á þessum sama stað sumarið 2007 og því þekki ég fólkið sem hann er að hjálpa. Það er því komið alveg nýtt umræðuefni inn á heimilið. Það er ekki bara rætt um ungbarna bleyjuskipti og bjróstagjafir lengur :) Ég kláraði vorönnina í skólanum og ætlaði svo að taka eitt fag núna í haust, en gat það því miður ekki. Ég byrja því aftur í skólanum í febrúar og útskrifast með BA í audiologopædi í vor.

En þegar ég lít yfir árið þá er ég mjög sátt, það voru vissulega margar gleðistundir en þó nokkrar erfiðar líka. Gleðin stendur sem betur fer upp úr núna þegar ég hugsa tilbaka og ætla ég að reyna að halda því svoleiðis. Ég náði flestum markmiðum mínum og er ég ánægð með það. Nú er bara að setjast niður og skrifa niður markmiðin fyrir næsta ár. Það er það auðveldasta, svo er bara að hengja þau á ísskápinn og ná þeim :)
En ég óska ykkur gleðilegs árs öllum saman. Látið ekki krepputal fara alveg með ykkur :)
Kær kveðja Berglind og fjölskylda

Gleðileg jól

Wed, 24 Dec 2008 10:56:51 GMT
Nú er Gunna á nýju skónum nú er að koma jól, Siggi er á síðum buxum, Solla á bláum kjól. Jólin eru rauð í Danmörku. Jólasveinarnir fengu gott veður til að dreifa pökkunum. Við ákvaðum öll að setja skóinn út í glugga í nótt til að athuga hvort að kertasníkir myndi nú kannski gefa okkur smá. Andreu fannst það nú heldur ólíklegt og hló bara að okkur. En viti menn, þegar prinsessan vaknaði í morgun voru gjafir í öllum skónum. Mikil gleði fyrir alla. Já og ekki nóg með það þá kom Kertasníkir, ásamt Kjetkróki, með pakka fyrir Andreu Ósk og Ara Sævar. Andreu brá svo þegar hún fór til dyra að litli kroppurinn titraði og hún hljóp upp í rúm til okkar skelfingu lostin. Hún gaf þeim sko kerti og skinku og fékk pakkana í staðinn. Þeir voru nú svolítið fyndnir og hún hló bara að þeim eftir smá stund. Nú sitja Andrea og Hafrún amma og spila spilið sem prinsessan fékk frá jólasveinunum.
Nú er bara eftir að elda matinn, opna pakka og slappa svo af :)

Ég óska öllum þeim sem þetta lesa gleðilegra jóla. Megi Guð og gæfan fylgja ykkur þessi jólin. Kær jólakveðja frá Danmörku
Berglind og fjölskylda

Rauð jól

Mon, 15 Dec 2008 18:37:42 GMT
2% líkur á hvítum jólum í Danmörku þetta árið. En er nokkuð að marka þessa veðurfréttamenn, við vonum að við fáum allavega smá föl á aðfangadag.Við ætlum að vera í Danmörku um jólin, sem fyrr. Það er voðalega notalegt að vera hérna, ekkert stress á síðustu stundu eins og oft heima. Eða ég er þannig, geri allt á síðustu stundu. Hérna hefur ekki orðið nein breyting á nema að síðasta stundin er allavega 10 dögum fyrir jól svo að allt komist þangað sem það á að fara fyrir aðfangadag. Þessi síðasta stund var í dag og því er búið að kaupa flestar jólagjafir, auðvitað þær eftir sem eru hér, og jólakortin komin í póst. Mikill léttir, þar sem ég kvartaði svo mikið undan jólastressi í síðustu færslu. Núna á bara eftir að kaupa jólatré, gjafir handa börnum og manni og henda í eins og eina til tvær sortir. Semsagt ljúft líf og huggulegheit.
Á morgun ætlum við Þórunn Katla húsfreyja að panta jóla og áramótasteikina. Á jólum verður boðið upp á hamborgarhrygg og á áramótum verðuð borinn á borð kalkúnn. Við erum búin að velja fyllingu sem Þórunn ætlar að hrista fram úr annarri erminni. Hafrún tengdamamma kemur til okkar á þorlák og verður hjá okkur til 29. desember. Ég held að skötunni verði sleppt þessi jóllin en í staðinn ætlum við að gæða okkur á sushi..... það verður semsagt fiskur, bara í öðrum búningi.

Jólasveinarnir hafa heimsótt okkur hingað, ég held að þeir séu með afleysingajólasveina sem sjá um útlöndin á þessum tímum, enda mikið að gera. Andrea skrifaði stekkjastaur bréf og bað um að fá gervineglur í skóinn. Við vorum nú ekki alveg viss um að hann ætti svoleiðis á lager. En þessir jólasveinar eiga nú víst allt milli himins og jarðar og því fékk prinsessan bleikar gervineglur í skóinn, sem eru nú á fingrum hennar :haha: Þetta byrjar nú aðeins of snemma fyrir smekk móðurinnar og var barninu því bannað að mála sig fyrir jólaballið sem við fórum á í gær, ég sagði að hún mætti mála sig þegar hún væri orðin 16!! Henni fannst það nú heldur ósanngjarnt en sættist á að fá að setja bara á sig gloss. Hún er sko bara 5 ára. Hvernig verður þetta eftir nokkur ár??? Ég svitna bara við tilhugsunina.

Ég setti myndir inn á síðu barnanna í gær. Endilega kíkið við.

Hugleiðingu dagsins er þá lokið. Verið heil og sæl.

Jóla hvað

Thu, 04 Dec 2008 22:22:15 GMT
Úff ég er ekki mikið fyrir jólastúss. Verð bara stressuð.... hvað á að gefa í jólagjöf, kaupa jólagjafir, pakka inn (það er reyndar stemning), taka myndir í jólakort, skrifa jólakort, senda jólakort og svo framvegis..... Við erum alveg í þessu núna, ætlum að skella okkur í verslunarleiðangur á morgun, vonandi náum við að kaupa það sem eftir er.... sem eru þó nokkrar. Svo er bara að senda þær til Íslands, sem er ekki gefins :$ En annars finnst mér jólin voða notaleg, þegar búið að redda öllu saman og hægt er að slappa af og baka sörur :p
Annars erum við í góðum gír. Ari Sævar er farinn að sofa mun betur. Vaknar bara svona 2-3x á nóttu sem er alveg geggjað. Ég get allavega ekki kvartað. Andrea Ósk er hress bara. Henni finnst hún vera aðeins of lengi á leikskólanum og ég sótti hana því fyrr í dag. En þá var hún ekki alveg tilbúin að koma heim. Fer milliveginn á morgun, sæki hana ekki eins snemma og sé hvernig það gengur. Annars lét hún okkur vita að þegar hún yrði stór myndi hún eignast mað. Ég var smá stund að fatta þetta, en hún meinti semsagt mann :haha:
En ætli ég verði ekki að halda áfram að gera jólagjafa-og jólakortalista.
Adíós amigos

Komin heim

Tue, 25 Nov 2008 11:30:48 GMT
... og það er bara ósköp notalegt.Ég fékk svona vetrarfíling í mig í gærkveldi þegar ég gekk um kollegíið og fann lyktina sem kemur úr strompunum í kring. Þetta voru fínar 3 vikur, þó svo að ég hefði viljað gera meira. En þegar maður er með ungabarn sem sefur ekki á næturnar þá er erfitt að gera allt sem manni langar til. Svona er það bara. Nú tekur við hvíld og megrun hehe. Ég get ekki sagt að hollustan hafi verið í fyrirrúmi á Íslandi. Ég þurfti auðvitað að smakka allt íslenska nammið, oft. Svo voru keyptar nokkrar pulsur og hamborgari hjá Villa. Við þyngdumst semsagt öll aðeins en við erum nú ánægðust með þyngdaraukningu Ara Sævars, sem dafnar mjög vel. Hann mætti sofa betur á nóttunni en hann er sannkallaður næturhrafn, brosandi og hlægjandi framan í mjög svo þreytta móður sína. Honum finnst ég greinilega mjög skemmtileg svona undir morgun :haha: Núna liggur hann á maganum á gólfinu og finnst það ekki skemmtilegt. Þá skýtur hann neðri vörinni fram og gerir þessa líka fínu skeifu. Rahgatið :haha:
Ég ætla að henda mér í að setja myndir inn á barnaland.
Góðar stundir :haha:

Ísland á morgun!!!

Mon, 03 Nov 2008 10:59:35 GMT
Spenningurinn alveg að fara með okkur hreinlega. Andrea telur klukkutímana og við foreldrarnir alveg að fara yfir um af stressi.....eða er það kannski bara mamman, pabbinn er víst hinn rólegasti. Ari er pollrólegur, sefur bara og er yndislegur. Hann er steinsofandi núna og er búin að vera það síðan rúmlega 6 í morgun. Hann rumskaði aðeins áðan til að drekka og fá nýja bleyju en sofnaði svo aftur. Hann mætti nú alveg taka svona lúra á næturna, en nei, honum finnst betra að vera hálfvakandi allar nætur. Drekka smá og sofna, vakna svo eftir 10 min og væla pínu, drekka svo smá og svo framvegis. Verð að viðurkenna að ég er orðin frekar pirruð undir morgun þegar barnið loksisns sofnar. Ég ætlaði nú að reyna að vekja hann áðan en það gekk ekki. Hann er alveg rotaður blessaður karlinn, hrýtur í vöggunni sinni. Andrea var svo þreytt í morgun að hún nennti ekki í leikskólann. Við ákvaðum þá bara að leyfa henni að vera í fríi í dag og stússast með okkur. En klukkan hálf ellefu var hún frekar óhress með að geta ekki leikið við neinn og bað því um að fara á leikskólann :haha: Litla prinsessan orðin eirðarlaus og spennt. Veit ekki hvort hún á að koma eða fara.
En það er víst í nógu að snúast, brjóta saman þvottinn, taka til, vaska upp, pakka niður og allt það. Verð að byrja á þessu áður en ég verð of stressuð.
Við verðum með gamla símanúmerið mitt...... vonandi munið þið það :)
Knús á línuna....

Hor og hósti

Wed, 29 Oct 2008 16:00:13 GMT
Kvefpestin er komin í heimsókn til okkar. Ari Sævar er kominn með hor og hósta :( Andrea er með smá hor en sem betur fer hress að öðru leyti. Við erum því búin að halda okkur innan dyra til að vera orðin hress þegar við leggjum í flugferðina til Íslands. Við erum farin að hlakka mikið til. Það verður svo gaman að hitta fjölskylduna og vinina. Við ætlum að vera í 3 vikur og njóta þess í botn. Fyrir utan öll matarboðin sem við verðum boðin í :), þá ætla ég sko að fá mér pulsu hjá Villa og kaupa mér einn vænan Subway bát, mmmmmm. Búin að dreyma um þetta síðan ég var ólétt, næstum því búin að senda Júlíus til Malmö í Subway leiðangur :haha:. Hann var eitthvað tregur við að vilja fara, skil það bara hreinlega ekki.
Á föstudaginn fara börnin í 5 vikna og 5 ára skoðun. Andrea er reyndar alveg hörð á því að vilja ekki fá sprautu, sem hún þarf hins vegar að fá. Við þurfum eitthvað að reyna að múta barninu, vegleg verðlaun í boði fyrir það barn sem er duglegt að fá sprautu. Þetta verður spennandi.
En annars er svosem ekkert meira að frétta í bili, það snýst ennþá allt um brjóstagjafir og bleyjuskipti :)
Knús á ykkur