Jæja nú er víst kominn tími til að  láta í okkur heyra, ekkert um veður .
Nei Bára mín það var ekki kveikt í tölvunni okkar hehhe, en gott skot engu að síður

Við eigum svo skemmtilegt dagatal með spakmælum fyrir hvern dag sem við samviskusamlega skoðum á hverjum degi.  Í dag 20. febrúar stóð : "Ekki draga hlutina, komdu þér að verki!" Wow hugsaði ég.  Akkúrat það sem ég þurfti.  Ég settist því við tölvuborðið og fór í það að taka til í bókhaldinu.  Setja gamla reikninga í möppu síðasta árs og búa til nýja fyrir þetta ár.  Vá enginn smá léttir.  Ég er búin að vera að bíða eftir að Júlli geri þetta hehhe.  Ég er gjörn á að kenna öðrum um, eða Júlla, ef að eitthvað er ekki gert eins og ég vil.  Ef að reikningar týnast er það út af því að Júlli setti þá einhvers staðar sem ég ekki fann þá hehehehhe.  Gat nú ekki annað en hlegið að þessari vitleysu í mér.  Nú er kominn tími til að taka bara ábyrgð á þessu sjálf, og það gerði ég áðan.  Nokkuð stolt af sjálfri mér.  Ég er líka svo heppin að Júlli hlær bara að þessari vitleysu í mér og tekur þetta ekki nærri sér.  Nú er bara að draga ekki að gera næsta verkefni og koma mér að verki  
Við mæðgurnar erum heima í dag.  Litla skottan er lasin, með hita og hor.  Við erum að teikna og skrifa og hafa það huggulegt, ennþá í náttfötunum.

7. mars koma Eydís og fjölskylda.  Við vorum svo heppin að geta reddað þeim húsi hérna á Kollegíinu.  Þá eru þau nálægt okkur og allir með sitt pláss.  Þau ætla að vera í viku og svo þegar þau eru farin koma páskarnir.  Við erum ekki búin að ræða hvort við gerum eitthvað en það gæti vel verið að við skellum okkur í smá ferðalag.  Aðeins að breyta um umhverfi 
Jæja ætla að sinna lösnu prinsessunni minni og skella í eins og eina þvottavél.
Knús á alla
Berglind og co 

Þannig var veðrið hérna hjá okkur í dag.  Ætla nú ekkert að pirra Íslendinga sem staddir eru á Íslandi þannig að ég læt fréttir af veðri héðan duga í bili

Prinsinn var skírður og fékk það fallega nafn Óskar Davíð Áss.  Fallegt nafn fyrir fallegan dreng.  Hann var eins og engill í skírninni, heyrðist ekki í honum.  Stoltið skein úr augum foreldranna

Skólinn er byrjaður en ég ekki alveg komin í stuð ennþá.  Byrjaði nú bara á þriðjudaginn þannig að það er ekki öll von úti enn.  Ég náði prófunum og var ofsalega glöð með það.  Var pínu stressuð um tíma, er það reyndar alltaf.... það er erfitt að vera með fullkomnunarárattu hehhe

Annars er allt í sama gamla farinu bara hérna í DK.  Júlli að smíða og Andrea sátt í leikskólanum.  Henni finnst mjög gaman og lætur okkur reglulega vita af því að hún sé betri en við í dönsku

Læt þetta duga í bili.  Blogga eitthvað ægilega menntað áður en langt um líður.

Ha´det godt